Laugardagur 28. febrúar 2009

Í dag, laugardag, eru síðustu forvöð til þess að skrá sig í
Samfylkinguna og öðlast kosningarétt í prófkjörinu í Reykjavík!

Mér finnst eiginlega eins og það séu þrír mánuðir síðan ég byrjaði að segja fólkinu mínu og flokksmönnum að ég ætlaði í prófkjörið. En það eru bara tæpar tvær vikur. Síðan þá hef ég verið á útopnu út um allt, annars vegar vegna framboðsins en hins vegar vegna starfsskyldna sem formaður UJ á landsvísu. Ég má ekki klikka á þeim út af einhverju persónulegu framapoti.

Í þessa viku frá því ég lýsti yfir framboðinu hef ég talað við fullt af fólki  og fengið fín viðbrögð úr líklegum og ólíklegum áttum. Takk öll sem eruð að hjálpa mér! Auðvitað er ég samt stressuð líka af því það er svo mikið af sterku fólki í framboði.

Mikið af fólki heyri ég líka að sé að ganga í Samfylkinguna þessa dagana. Það fólk bætist við þá um 7000 sem eru skráðir í Samfylkinguna í Reykjavík í dag. Stuðningsmenn verða að skrá sig fyrir miðnætti. Þeir geta þá valið
milli mín og margra annara frábærra frambjóðenda sem eru skv.
heimasíðu Samfylkingarinnar meðal annars:

Björgvin Valur Guðmundsson, leiðbeinandi
Dofri Hermannsson, varaborgarfulltrúi
Jón Baldvin Hannibalsson, fv. sendiherra
Pétur Tyrfingsson, sálfræðingur
Sigríður Arnardóttir
Sigríður Ingibjörg Ingadóttir, hagfræðingur
Skúli Helgason, fv. framkvæmdastjóri Samfylkingarinnar
Sverrir Jensson
Valgerður Bjarnadóttir

Og að lokum auðvitað JÓbama og Ingibjörg Sólrún. Þær komu upp á Grand Hótel áðan þar sem við vorum að vinna í hópum fyrir landsfundinn og voru bara flottastar. Jóhanna forsætisráðherra og Solla formaður: Í sitt hvoru lagi geta þessar konur flutt fjöll en í sameiningu veit ég ekki alveg hvaða líkingu ég á að nota - hugmyndir?

Föstudagur 27. febrúar 2009

Helga Tryggvadóttir, læknanemi

Föstudagur 27. febrúar 2009

Prófkjör Samfylkingarinnar í Reykjavík hefst 9. mars og lýkur 14. mars. Kjörið fer fram á internetinu og því mögulegt að kjósa hvar sem er, svo lengi sem tölva, nettenging og aðgangur að heimabanka eru til staðar. Hefðbundinn kjörstaður verður í kosningamiðstöð Samfylkingarinnar á Skólabrú við Austurvöll. Kjörstaður verður opinn 9. - 13. mars kl. 14.00 - 20.00. Laugardaginn 14. mars verður opið kl. 9.00 - 18.00. Gert er ráð fyrir að fyrstu tölur verði kunngjörðar fljótlega uppúr kl. 18.00.

Sjá nánar á vef Samfylkingarinnar.

Föstudagur 27. febrúar 2009

Prófkjör kosta sitt og oft hefur aðgengi að peningum verið betra í íslensku samfélagi. Allir styrkir sem bjóðast eru því mjög vel þegnir.

Ég vil leggja mitt af mörkum til lýðræðislegri, gegnsærri stjórnmála og þeirrar stefnu að fjármál stjórnmálaflokka og stjórnmálamanna skuli ekki vera leyndarmál viðkomandi. Þess vegna mun ég einungis taka við styrkjum frá einstaklingum, en hámarks styrktarupphæð á mann er 10.000 kr. Að prófkjöri loknu mun ég svo birta hér á síðunni nafnalista þeirra sem sjá sér fært að styrkja framboð mitt fjárhagslega, svo allt sé uppi á borðinu. Fólk getur styrkt mig af því það styður mig persónulega en líka styrkt mig til að sýna stuðning sinn við þessi vinnubrögð við fjáröflun. Mér finnst að þau eigi að vera framtíðin.

Til þess að leggja mér lið skal upphæðin lögð inn á reikning 0323-13-169654, kt 1909835449.

Laugardagur 21. febrúar 2009

Vinir og stuðningsmenn Önnu Pálu efna til skemmtilegrar samkomu á Kaffi Kúltúra á morgun, laugardag, kl. 21:00.

Okkur þætti gaman að sjá þig - og að sjálfsögðu er þér velkomið að taka með þér góða vini (ekki verra ef þeir teljast gott jafnaðarfólk!).

Nú er tíminn til að sýna stuðning í verki, hitta aðra og spjalla um góð málefni og hvernig er best að koma þeim á framfæri. Framundan er mikil barátta, og mikilvægt að tryggja að besta fólkið komist að til að stjórna landinu.

Frír bjór í boði á meðan endist (allir að mæta snemma!)

Við hlökkum til að sjá þig!

Kveðja
Stuðningsmenn Önnu Pálu

Laugardagur 21. febrúar 2009

Vinir og stuðningsmenn Önnu Pálu efna til skemmtilegrar samkomu á Kaffi Kúltúra á morgun, laugardag, kl. 21:00.

Okkur þætti gaman að sjá þig - og að sjálfsögðu er þér velkomið að taka með þér góða vini (ekki verra ef þeir teljast gott jafnaðarfólk!).

Nú er tíminn til að sýna stuðning í verki, hitta aðra og spjalla um góð málefni og hvernig er best að koma þeim á framfæri. Framundan er mikil barátta, og mikilvægt að tryggja að besta fólkið komist að til að stjórna landinu.

Frír bjór í boði á meðan endist (allir að mæta snemma!)

Við hlökkum til að sjá þig!

Kveðja
Stuðningsmenn Önnu Pálu

Föstudagur 20. febrúar 2009

Anna Pála Sverrisdóttir, meistaranemi í lögfræði og formaður Unga jafnaðarmanna, sækist eftir 5. sætinu í prófkjöri Samfylkingarinnar í Reykjavík.

„Mitt helsta baráttumál á þingi verður að gera ungu fólki kleift að lifa og starfa á Íslandi í nánustu framtíð,“ segir Anna Pála í tilkynningunni.

„Ég verð ötull talsmaður menntunar og námsmanna og þess að við notum menntakerfið til að koma okkur aftur á flug. Húsnæðismál eru annað lykilatriði fyrir ungt fólk og þar vil ég m.a. nota tækifærið sem gefst núna til að búa til almennilegan leigumarkað. Atvinnuleysi hittir ungt fólk verst fyrir og ég mun berjast fyrir að því verði mætt með sértækum aðgerðum meðan við komum fótunum undir atvinnulífið aftur. Ungum barnafjölskyldum þarf að huga sérstaklega að og lengja fæðingarorlofið um leið og hægt verður. Til lengri tíma er síðan stærsta hagsmunamálið að við göngum í Evrópusambandið því við eigum ekki að sætta okkur við einangrun.“

Anna Pála er fædd 19. september 1983. Hún er að eigin sögn langt komin með masterspróf í lögfræði með sérhæfingu í þjóðarétti og hefur unnið lögfræðistörf á Persónuvernd og þar áður sem blaðamaður á Morgunblaðinu.

Hún var oddviti Röskvu, samtaka félagshyggjufólks við Háskóla Íslands, og á að baki setu í Háskólaráði HÍ og stjórn LÍN auk fjölda annarra félagsstarfa. Í dag er hún formaður Ungra jafnaðarmanna.

Miðvikudagur 18. febrúar 2009

Svanfríður Jónasdóttir, bæjarstjóri á Dalvík

Miðvikudagur 18. febrúar 2009

Skúli Alexandersson, fyrrv. alþingismaður

Miðvikudagur 18. febrúar 2009

Marsibil Sæmundardóttir, varaborgarfulltrúi